Inauguraçom em Ponte d´Eume do Centro Social Ocupado "Casa da Estaçom"

Dezembro de 2009

O passado sábado 20 de Dezembro inaugurou-se na vila eumesa de Ponte d´Eume um novo espaço de liberdade juvenil.

Depois de vários meses de esforço de um grupo de jovens da vila, os trabalhos de acondicionamento de um prédio que se encontrava ateigado de silvas começárom já dar os seus frutos.

O prédio em questom é a chamada “Casa da Estaçom”, em teoria, “propriedade”de um especulador local mais que se move no mundo dos negócios imobiliários. Ante este desleixo, que nom tem outra finalidade mais que a de especular, o grupo de jovens decidiu passar à acçom para poder contar com um espaço onde poder realizar actividades diversas e praticar um lazer alternativo ao alienante oferecido polos empresários da movida nocturna.

A jornada de inauguraçom deu começo com a projecçom de imagens relativas a como se foi desenvolvendo o labor de ocupaçom da casa acompanhado de petiscos. A presença das “forças da ordem” tampouco podiam faltar a um evento que escapa ao estabelecido, e tanto picoletos como a guarda pretoriana do excelentíssimo alcalde da vila, Gabriel Torrente Pinheiro, procedêrom a identificar a boa parte d@s jovens que naquele momento se achavam no local.

A seguir quatro grupos, todos de jovens da vila, oferecêrom um concerto que se prolongou durante aproximadamente cinco horas nas que houvo tempo para dedicar-lhe algumha cançom ao alcalde e os seus esbirros. THC, Arenga, Podrismo e Sociedad anti-persona tocárom num cenário no que pendurava umha faixa na que se podia lêr: Contra a especulaçom e o fascismo.

De BRIGA queremos saudar a apertura deste novo espaço de poder juvenil e aguardamos que continui com sucesso todas as actividades que se organicem no futuro.