Siareir@s Galeg@s exige selecçons nacionáis em Compostela
Dezembro de 2009
A jornada convocada ontem por Siareir@s Galeg@s atingiu movimentar a mais dum milhar de jovens, que marchamos sobre a capital da Galiza para reivindicar umha selecçom nacional galega. Após a sua desapariçom prática provocada polo PP, constatamos com satisfaçom que o movimento a prol dos direitos nacionáis da Galiza no ámbito desportivo soubo manter-se à altura.
A actividade começava às 17 da tarde na Alameda compostelana, onde se reunirom por volta de 800 jovens que percorrêrom as principais ruas da capital galega. Escuitárom-se diversas palavras de ordem, entre as que destacárom por recorrentes Selecçons nacionais na Galiza, Umha naçom, umha selecçom, ou Quer queiram, quer nom, Galiza é umha naçom.
Perto das 19 da tarde, a comitiva muito mais crescida entrava no estádio de Santa Isabel para lotar as bancadas e assistir ao jogo da Galiza, desta volta integrado por umha equipa mista que se enfrentou a um combinado internacional de Uruguai, Paraguai e Argentina.
Os minutos prévios do jogo fôrom ocupados polo acto no que intervirom Verónica Boquete e Antom Reixa. Especial mençom merece o comunicado lido pola capitana da selecçom feminina de futebol, cuja equipa nom puido jogar este encontro polo veto institucional. Nele denunciou a supressom dos partidos anuais da selecçom galega, e incidiu sobre o efeito multiplicador que estes encontros tivêrom na prática do desporto de base entre as moças e meninhas.
Após um trepidante partido onde siareir@s de todos os rechunchos da Galiza animamos com entrega às nossas cores, os 90 minutos saldárom-se com um contundente resultado (9-0 em favor da Galiza), que nom fijo se nom melhorar os ánimos para o concerto que decorreria na Capitol com Machina, Mencer Vermelho e Habeas Corpus.
De BRIGA parabenizamos a continuidade e coragem do colectivo, que demonstrou a saúde dum movimento que segue a existir independentemente das ligaçons institucionáis. Desligado da instrumentalizaçom que deste tema fai o autonomismo, Siareir@s Galeg@s soubo respostar correctamente à política anti-galega do Secretário Geral para o Desporto José Ramón Lete, e patentar nas ruas e no estádio de Santa Isabel, que a luita por umha selecçom galega oficial para os nossos desportos segue viçosa, e é mais necessária do que nunca.