Novos vozeiros comarcais já na rua
Dezembro de 2009
O Grupo de Base de BRIGA na comarca de Trasancos vem de editar no mês de Dezembro o derradeiro número do seu vozeiro comarcal.
Desta volta a editorial centra-se numha pequena análise das principais conseqüências que está a produzir a crise do sistema capitalista sobre a juventude galega como som o desemprego e o recrudescimento das condiçons laborais, o qual obriga a muit@s jovens ter que aceitar qualquer tipo trabalho sejam quais forem as condiçons, quando nom é que o exército espanhol se aproveita desta situaçom para recrutá-l@s.
Nos seguintes apartados recolhe-se a intensa actividade agitativa do Grupo de Base nestes últimos dous meses: Boicote de entidades bancárias, murais em comemoraçom do Dia da Galiza Combatente e contra o dia de exaltaçom do espanholismo que se completou cumha dúzia de bandeiras espanholas retiradas de prédios institucionais, importantes respostas às agressons à nossa língua, etc.
Também no interior dedica-se um espaço à campanha nacional em solidariedade com o companheiro Alexandre Rios, que se começará a desenvolver nestas semanas com interessantes actividades que evitem a sua entrada em prisom.
Ao mesmo tempo, no extremo outro extremo da Galiza, o Grupo de Base de Briga Baixo Minho continua o reparto do primeiro número do seu vozeiro, A Discórdia, no que se fai apresentaçom da organizaçom nesta comarca de forte tradiçom revolucionária, muito castigada pola repressom posterior ao golpe de 36.