Concerto solidário junta mais de 70 jovens em Ferrol

Campanha Em Espanha o compromisso é delito

Janeiro do 2010

Como informaramos noutras notícias do web, este fim de semana tivo lugar o concerto nacional em solidariedade com o Alexandre durante a noite do passado Sábado, na Fundaçom Artábria.

A actividade começou com o concerto do grupo galego Arenga (Pontedeume), que caldeou os ánimos durante algo menos dumha hora de punk-rock, e deixou mais animada à assistência para receber a actuaçom de Eina. No descanso um companheiro do Grupo de Base de Ferrol introduziu ao próprio Alexandre que também realizou umha pequena intervençom. O companheiro repressaliado agradeceu a presença de tod@s @s que apoiaram, colaboraram e assistiram à realizaçom do concerto, lembrando às razons polas que as leis espanholas esigem a sua entrada em prisom: A participaçom na mobilizaçom de 1º de Maio de 2005, dissolta violentamente pola polícia; e a concentraçom de rechaço à BRILAT ante um posto de captaçom de jovens montado a poucos metros dum liceu público.

De BRIGA valorizamos positivamente a participaçom, e nestes primeiros passos da campanha solidária queremos agradecer aos grupos a sua participaçom, à Fundaçom Artábria a sua desinteressada colaboraçom e apoio, e tod@s @s que assistirom e colaborárom para que a recadaçom de fundos tivesse êxito.

Nos próximos meses continuarám as iniciativas para evitar o seqüestro legal do jovem, das que informaremos pontualmente neste sítio.

Para ver a galeria fotográfica do concerto, clica aqui.

Número de conta solidária: 2080- 0143-31-0000057719 (CAIXA NOVA)

Intervençom dos companheiros de BRIGA

Actuaçom de Arenga