AGIR e BRIGA iniciam os preparativos da Escola de Formaçom´10

Fevereiro de 2010

Nas últimas semanas as duas organizaçons pugemos a andar a séptima ediçom da Escola de Formaçom, encontro lúdico-formativo no que levamos participado desde o ano 2005. As jornadas, que decorrerám nos dias 26, 27 e 28 de Março, reunirám na primavera a militantes, colaboradoras, simpatizantes e amig@s das duas organizaçons.

Já vam lá mais de 5 anos de andaina desde que AGIR promoveu o primeiro acampamento destas características, no que a festa, o debate, o convívio, a formaçom e os jogos populares enchêrom de conteúdo as jornadas de jovens e estudantes comprometidos com a libertaçom nacional e social de género na Galiza.

A Escola servirá também para o re-encontro com velh@s militantes, companheir@s actuais e nov@s jovens recentemente unid@s à luita da juventude e o estudantado por um mundo novo libertado de toda exploraçom, que como dizia a legenda da anterior ediçom, nom é utópico, mas há de atingir-se a través da luita.