Novas iniciativas da campanha agitativa contra o Desfile militar
Campanha 29-M, que se vaiam!
Maio de 2005
Dous novos murais fôrom realizados em protesto contra o Desfile militar e contra as forças de ocupaçom. Um fijo-se no Concelho de Culheredo, numha das entradas mais concorridas à cidade da Corunha, na estrada geral que une Compostela e Corunha, e outro na saída da auto-estrada A9. Já som multidom os murais feitos por militantes de BRIGA na cidade herculina tendo sido escolhidos para a sua realizaçom os lugares mais transitados, desde pontos de saída até zonas céntricas. Destes apenas três fôrom apagados pola cámara municipal, ficando pois o resto a berrar QUE SE VAIAM!! às forças de ocupaçom que desfilarám o próximo dia 29 na nossa urbe.
Além dos murais colarom-se multidom de faixas de papel de estraça com a legenda da campanha por diferentes lugares da cidade.
Além deste tipo de agitaçom mais visual a nossa militáncia segue a realizar colagens diárias de cartazes tanto próprios como da plataforma e nom cesará a sua camapanha agitativa até o dia 29 em que participaremos, junto com os sectores mais conscientes do nosso país, na manifestaçom que a plataforma nacional contra o desfile militar convoca às 13 horas na praça de Paulo Igrejas sita no bairro corunhês de Monelos.