Milheiros de pessoas saírom a rua contra a política lingüicida do PP

Maio de 2010

O passado 17 de Maio com o galho da celebraçom do Dia das Letras Galegas milheiros de pessoas partírom da Alameda de Compostela numha mobilizaçom a prol do galego sob a exigência de dar cabo das políticas lingüísticas do Governo de Feijó que voltou bater recordes históricos na Galiza.

As diferentes organizaçons da esquerda independentista galega, entre elas a nossa, aderírom à convocatória impelida polos centros sociais que tenhem no reintegracionismo a pedra basilar da tabela reivindicativa que devoltará ao galego o protagonismo social que lhe negárom durante séculos.

Longe da tentaçom de fazer-lhe o jogo ao reformismo adormecedor que actua neste pais em momentos chave como o actual, o reintegracionismo de base goçou de espaço próprio tras a faixa com a legenda “Na Galiza só em galego”; nom de deixamos de sermos conscientes que forças políticas como PSOE, BNG ou IU, lá concentradas, fam da defesa do idioma umha oportunista coarctada para favorecer o seu papel na carreira ao controlo do Parlamentinho e consolidar uns posicionamentos que pouco defirem da acostumada e artificial imposiçom do bilingüismo.

Assim pesse a obstinada aposta isolacionista do BNG ou as declaraçons do Ferrim fruto dos delírios de grandeça e da ostentaçom de ser o presidente da RAG, considerando ao reintegracionismo organizado inimigo do galego a verdade é que o papel normalizador destes centros sociais e das organizaçons da esquerda independentista nos últimos anos passará a história do nossa naçom lhes goste ou nom.

A juventude trabalhadora organizada em BRIGA seguiremos incansáveis luitando contra o espanholíssimo desprezo das instituiçons à nossa língua e a influência que sobre elas exerce o neofascismo sem carouta. Toda a juventude galega que ontem se manifestou demostrou que tem a firme intençom de que nom vai fazer-lhe o jogo ao nacionalismo espanhol, por isso nem 33%, nem 50%, Na Galiza só em galego!!!