Sedes do PP som sabotadas em diferentes localidades: contra o espanholismo nem um passo atrás!!

Maio de 2010

Diferentes meios de comunicaçom anunciárom a sabotagem de várias sedes do Partido Popular em diferentes localidades da nossa geografia nacional. A tinta vermelha e amarela sobre os vidros e paredes das sedes do PP dam a entender o carácter espanholista desta organizaçom política actuante no nosso país firmemente declarada inimiga dos direitos nacionais do povo galego, entre eles os lingüísticos, que pretende liquidar "por Decreto".

Desde o primeiro dia em que chegou o PP à responsabilidade de governo da Junta há agora treze meses, sentou as bases para dar umha nova volta de porca ao seu projecto assimilacionista e de imposiçom do espanhol arengado por colectivos ultra-espanholistas como a infame Galicia Bilingüe, chegados desde as mais profundas cavernas espanholas e ao qual aderírom sem ambagens destacados dirigentes do PP.

O principal alvo da obsessom espanholizadora do PP é a juventude e a principal arma que utiliza para exterminar o nosso idioma é o ensino. A recém aprovada imposiçom do Decreto antigalego no ensino no vindouro curso académico é mais um capítulo do aborrecível conto do bilingüismo harmónico tam cacarejado durante os últimos trinta anos e do "consenso" entre as três partidos que formam parte do parlamentinho autonómico que figêrom ouvidos moucos aos inquéritos, que demonstravam umha perda contínua de falantes da nossa língua, facto confirmado incluso por organismos europeus.

As geraçons de jovens somos as futuras responsáveis de manter a nossa língua viva como há mil primaveras, portanto, também é a juventude da Galiza de 2010 quem deve abandeirar a luita contra as agressons a um dos nossos principais sinais identitários.

CANHA AOS INIMIGOS DA NOSSA LÍNGUA!!