Marcha contra o complexo ENCE-ELNOSA. Nem traslado, nem planta de biomassa!
Junho de 2010
O vindouro sábado, 5 de Junho, a Associaçom pola Defesa da Ria de Ponte Vedra convoca a Marcha anual contra o complexo industrial ENCE–Elnosa.
A consolidada iniciativa partirá às 19h30 das Alamedas de Marim e Ponte Vedra para reclamar o feche sem condiçons da fábrica de celulose, assim como, a recuperaçom do ecossistema da Ria, condiçom imprescindível para asentar na comarca um modelo de desenvolvimento sustentável e compatível com o meio-ambiente, a exploraçom racional dos recursos e a saúde.
A mobilizaçom popular demostrasse indispensável num momento no que o PP está a baralhar a possibilidade de outorgar à empresa a concessom de umha planta de biomassa por, nada menos que, 30 anos e cuja localizaçom nom é outra que as actuais instalaçons da factoria. Esta medida obstaculizaria a saída do complexo ENCE-Elnosa fijada em 2018 prolongando o desastre meio-ambiental que conleva a sua permanência.
Um desastre meio-ambiental que, longe de ser um facto isolado na comarca de Ponte Vedra, é a materializaçom a nível local da crise ecológica mundial provocada polo modo de produçom capitalista. Esta crise converge no tempo com a económica, algo que é aproveitado polo patronato e a corruptela política e sindical para inquietar aos/às trabalhadores/as com a ameaça do desemprego. Ocultam, sem embargo, que o complexo impossibilita a criaçom de grande número de postos de trabalho derivados da pesca, marisqueio, exploraçom florestal...
De Briga chamamos a participar na mobilizaçom a todas/os os/as jovens comprometidas/os com a luita ecologista. Cumpre derrotar ao terrorismo ambiental assinalando aos seus responsáveis políticos: desde os franquistas que autorizárom a sua construcçom, os governos do PP, a hipocrísia e as mentiras do governo do bipartito ou o papel desmobilizador que nos últimos anos jogou o BNG de Ponte Vedra. É responsabilidade de todos/as nós impedir que capitalicem de novo as legítimas reivindicaçons do movimento social em aras de procurar rendabilidade eleitoral no jogo de ser oposiçom. Só assim poderemos asegurar a vitória das enérgicas palavras de ordem que exige a juventude e o tecido associativo da comarca mais consciente:
NEM TRASLADO, NEM PLANTA DE BIOMASSA!!
ENCE-ELNOSA FECHE JÁ!!
Se queres consultar o manifesto da APDR, clica aqui.