Cria-se o Comité preparatório galego para assistir ao XVI FMJE

Maio de 2005

No mês de Maio constituiu-se o Comité Nacional preparatório que impulsionará a viagem da delegaçom galega à XVI ediçom do FMJE que se celebrará entre os dias 7 e 15 de Agosto em Caracas, Venezuela, sob a legenda "Pola Paz e a Solidariedade. Luitamos contra o Imperialismo e a Guerra".

Os objectivos que alentam o Comité na preparaçom do evento nom som só potencializar todo o possível a assistência de jovens galeg@s, mas difundir os valores que os diferentes festivais levam erguendo como bandeira nos últimos anos: antiimperialismo, autodeterminaçom dos povos, luita contra o capitalismo, oposiçom aos sistemas de dominaçom e coerçom dos estados burgueses, reafirmaçom da juventude como sujeito revolucionário activo, auto-organizaçom feminista, reacçom ante a ditadura das transnacionais e os grupos financeiros, e um longo etcétera que som razons de sobra para a nossa assistência.

Animamos a todas as organizaçons de jovens a que participem e se somem a este encontro mundial, que como nom podia ser doutro jeito, deve contar com a maior participaçom possível da juventude galega.