Fiscalia solicita 9 meses de prisom a dous jovens antisionistas

Julho de 2010

O vindouro 28 de Julho decorrerá nos Julgados das Fontinhas, em Compostela, mais um julgamento político contra dous jovens independentistas, desta volta, por amossar a sua solidariedade internacionalista com o povo palestiniano e reagir contra qualquer espaço que acolha aos propapandistas do sionismo na Galiza.

Os factos tivérom lugar em Novembro de 2006 durante umha concentraçom antisionista, em régime de autoconvocatória, às portas da compostelá aula cultural de Caixa Galicia contra a presença de Shlomo Ben-Ami (ex-ministro do estado terrorista de Israel que participara activamente na resposta policial e militar contra a segunda intifada) numha conferência financiada pola própria Junta da Galiza. Em meio de um enorme desplegue policial e antes mesmo de começar o acto, Iago e Aurélio, foram detidos e espancados brutalmente.

Agora quatro anos mais tarde sob a acusaçom de desobediência à autoridade e danos a um veículo policial pedem-lhe o total 300 euros e 9 meses de prisom para um deles, 9 meses de prisom para o outro e inabilitaçom de sufrágio passivo para ambos.

Segundo informa AGIR, a cuja Direcçom Nacional pertence um dos encausados, “a demanda efectuada polo companheiro polos danos sofridos nom foi atendida, e as lessons ocasionadas mesmo fôrom utilizadas polos julgados de instruçom compostelans para impelir à acusaçom fiscal a provar com elas a presunta resistência do segundo dos acusados”.

De BRIGA solidarizamo-nos com os dous jovens antisionistas e amossamos a nossa mais enérgica repulsa contra a continua arbitrariedade judicial espanhola, assim como a protecçom da que gozam os apologetas do extermínio palestiniano no Estado Espanhol, especialmente o Bem-Ami que com o disfarce de progressista segue a escrever artigos e a respostar as entrevistas nos panfletários jornais do capitalismo espanhol e do imperialismo como “El País”, entre outros.

Solidariedade com o Iago e o Aurélio!!

Palestina vencerá!!