Pola resistência nacional, contra a ofensiva patronal. O COMBATE É AGORA!!

Julho de 2010

O próximo 24 de Julho decorrerá na capital galega a sexta ediçom da Jornada de Rebeliom Juvenil organizada por BRIGA, que mais um ano transforma a véspera do Dia da Pátria Galega numha jornada de reivindicaçom e de festa com um evento já consolidado e que consegue atraer ao longo da noite a milheiros de jovens galeg@s.

Neste 2010, Ano Jacobeu, onde a promoçom do nacional-catolicismo e o desplegue policial invade até o beco mais agochado de Compostela, a juventude independentista organizada em BRIGA segue reivindicando que a rua é nossa, o espaço de acçom própria da mocidade, e que estamos mui longe de ceder à ofensiva espanholista e a sua teima de converter a Galiza em espanhola.

Mas este verao de 2010 é também o da virulenta ofensiva patronal. A aprovaçom de umha reforma laboral a sua medida, que a golpe de decretazo impom umhas condiçons draconianas à classe trabalhadora, precarizando até extremos impossíveis a situaçom laboral da juventude galega.

Mas o tempo da rapina burguesa é inexoravelmente tempo de luita para nós, tempo para o combate com o orgulho nacional, de classe e feminista como bandeiras. As nossas reivindicaçons tenhem que ocupar a rua, espalhar-se com o vento face os quatro ponto cardinais da geografia galega com a força do punho fechado.

A Jornada começará com a manifestaçom do 24J, que como na ediçom anterior partirá às 22h00 desde a Porta Faxeira sob a legenda “ Pola resistência nacional, contra a ofensiva patronal. O COMBATE É AGORA!

Desde às 23h30 dará começo no Parque de Belvis o concerto:

- Machina, "post-bravú" da Galiza.

- Indarrap, rap chegado desde Euskal Herria.

- EINA, ex-Inadaptats, Païssos Catalans.

- Trapalhada, ska-punk da Galiza