Já som três os militantes de BRIGA detidos pola Guardia Civil na Corunha

Especial STOP repressom!!

Junho de 2005

Fai umhas hora informavamos da detençom do nosso companheiro Vreixo Formoso na Corunha, acusado de injúrias e danos ao Exército espanhol. Nesta mesma tarde, outros dous companheiros, Afonso Mendes e Diego Bernal, forom detidos pola Guardia Civil.

Já som três os represaliados por pertencer a umha das organizaçons que com mais sucesso levou às ruas da Galiza o confronto da juventude galega com o Exército espanhol, que encheu os muros das cidades galegas com a palavra de ordem "Que se vaiam", que impulsionou actos e actividades reivindicando o movimento antimilitarista galego que deu fim ao Serviço Militar Obrigatório no nosso País, e que participou activamente na manifestaçom do 29-M na Corunha contra o desfile das Forças Armadas espanholas.

Dentro desta estratégia de oposiçom frontal ao militarismo espanhol, militantes de BRIGA intentarom demolir a estátua do militar fascista Millán Astray. Três desses militantes que foram detidos na altura actualmente estám sendo processados pola justiça espanhola. Dous deles som os militantes apresados este mesmo dia pola Guardia Civil, Afonso e Vreixo. O delito do terceiro represaliado, Diego, foi o de implicar-se na campanha contra o Desfile militar na Corunha.

Estas detençons, além de ser a resposta à contracampanha que BRIGA vém desenvolvendo contra o militarismo espanhol, além de obedecer aos desejos e necessidades da direita militarista, som a portagem que temos de pagar por defender o direito da juventude galega a rechaçar o exército espanhol, o direito a ter memória histórica, a nom esquecer que o exército espanhol, comandado por militares como Franco e Millán Astray, fôrom os mesmos que garantírom a ditadura genocida no seu momento, e que garantem agora a unidade da "pátria espanhola".

Este intolerável ataque, se bem foi prepetrado polo corpo militar da Guardia Civil, nom deixa de estar inscrito na estratégia repressiva que a face amável de ZP nom pode ocultar. Mália os efeitos cénicos e a maquilhagem política o PSOE amossa a mesma dureza na hora de repremer a juventude da esquerda independentista que amossava o PP durante o mandato de Aznar. A defesa inqüestionável do exército espanhol que o governo de Bono e companhia tenhem hoje a sua resonáncia prática na Corunha, na privaçom de liberdade dos nossos companheiros.

AFONSO, VREIXO, DIEGO LIBERDADE!!!
FORA AS FORÇAS DE OCUPAÇOM, QUE SE VAIAM!!!