Na rede e na rua o Xerfas nº 6

Agosto de 2010

O Xerfas, vozeiro nacional de BRIGA, estivo na rua nas jornadas do 24 e 25 de Julho, Dia da Pátria Galega, e desde já na secçom de publicaçons desta web.

A editorial do sexto número do Xerfas centra a sua atençom nas drásticas medidas adoptadas pola corrupta classe política com o fim de resgatar a burguesia assim como na ofensiva espanholista contra a língua galega e a aprovaçom do “Decreto do plurilingüismo”.

Na secçom de notícias breves fai-se referência a espanholista campanha mediática a volta da Taça do Mundo da FIFA´10; os recortes das liberdade sexual e as campanhas antiabortistas do governo autonómico do PP nos últimos meses, assim como a sua política lingüicida.

O artigo de análise intitulado “Contra a reforma geral. Avante com a greve geral” repassa as principais repercussons da reforma laboral mais anti-obreira dos últimos trinta anos e chama a participar da greve geral do vindouro 29 de Setembro.

Na línea das campanhas recolhe-se o manifesto emitido por BRIGA e lido no acto político da VI Jornada de Rebeliom Juvenil no compostelano parque de Belvís.

Para rematar, no apartado de actos aparecem algumhas das mobilizaçons nas que BRIGA estivo presente nos últimos três meses: em solidariedade com Palestina, polo Dia do Internacionalismo Proletário, na defesa da língua ou contra a reforma laboral. Também destaca o manifesto solidário com a juventude basca, as jornadas feministas em Compostela ou a concentraçom solidária em Vigo durante o juízo aos dous jovens acusados de participar na jornada de boicote as entidades bancárias o passado Outubro.

Podes consultar aqui o Xerfas nº6 em formato PDF.