BRIGA assina manifesto contra a possível clausura de Kaos en la Red

Outubro de 2010

Nos últimos dias, a equipa do referencial site anticapitalista publicou um manifesto de denúncia contra a apertura de diligências judiciárias polos presuntos delitos de apologia e incitaçom à violência.

Os julgados de instruçom de Barna que assim procediam fôrom precedidos dum labor prévio de propaganda de empresas de comunicaçom como El País ou TVE, que marcárom diversos espaços web como apologistas do “terrorismo de baixa intensidade”. Incluiam entre os mesmos à página que agora é alvo do ataque judiciário.

Numha cadeia de movimentos que apesta a orquestraçom sincronizada, a involuçom autoritária do estado espanhol pisa o acelerador. O indiscutível sucesso da Greve Geral do passado mês serviu para pôr em guarda a um aparelho repressivo que se pode jactar de ser dos mais despiadados da Europa, e que conhece o poder subversivo da informaçom crítica.

BRIGA, como organizaçom social revolucionária que somos, queremos unir-nos à denúncia d@s companheir@s de Kaos, web amiga com a que temos colaborado em diversas ocasions. Nom podemos permitir que nos arrebatem os mais elementares direitos em aras da segurança dos poderosos, nem que a ditabranda espanhola continue a assovalhar direitos impunemente.

Portanto, unimo-nos às numerosas adessons individuais e colectivas que já assinárom o manifesto solidário, expressamos o nosso mais rotundo apoio público e nos ponhemos à disposiçom das necessidades da equipa de Kaos.

(Para ler o manifesto e dar o teu apoio solidário, preme aquí)

NOM À CRIMINALIZAÇOM DOS WEB!!!

A INFORMAÇOM SEMPRE TEM DUAS CARAS!!!