Os três militantes detidos onte saem em liberdade imputados de vários delictos

Especial STOP repressom!!

Junho de 2005

Às 19:00 h de hoje Vreixo Formoso, Afonso Mendes e Diego Bernal eram postos em liberdade após declararem nos julgados. As diligências abertas, incluem-os como imputados da prática totalidade da agitaçom propagandística de murais e pintadas feitas durante a campanha contra o desfile das Forças Armadas o 29 de Maio. Se bem nom existem mais provas que as fotos das próprias pintadas e murais, estám obrigados a apresentar-se nos julgados os dias 1 e 15 deste mês. Além de estarem imputados por injúrias e danos ao exército, a Guardia Civil explica a acussaçom de "associaçom ilícita". Baseam a sua brilhante investigaçom nos documentos secretos da página oficial de BRIGA, os textos constituintes, nos que se expressa a vontade de "destruir a actual sociedade" (sic), o que era em sim mesmo um objectivo ilegal, e que polo tanto merecia abrir diligências judiciais. Polo demais, a detençom realizou-se de jeito totalmente irregular. É ilegal realizar umha detençom por um delicto de faltas, e muito mais reter aos detidos durante 30 h.

Além da demonstraçom de profunda intelectualidade dos quadros do corpo militar que realizou as investigaçons e detençons, devemos reflectir com estes factos sobre as possíveis linhas que a repressom espanhola vai seguir no futuro. Se este é o cenário num momento de inestabilidade política para o PSOE, no que nom possui a maioria absoluta, que nom será quem de ordenar e permitir quando ratifique o seu controlo do governo?

Seja como for, BRIGA transmite a sua mais firme intençom de continuar a luitar pola juventude trabalhadora da Galiza, sem atender a pressons do aparelho repressivo do estado espanhol.

STOP à repressom contra a juventude!!!
Fora as forças de ocupaçom!!