Nova militante apressada após a concentraçom solidária

Especial STOP repressom!!

Junho de 2005

A organizaçom vém de ser informada dumha nova detençom. A nova vítima da estratégia repressiva do PSOE é Berta Lôpes Permui, Responsável Nacional da nossa Organizaçom, e umha das militantes mais activas e conhecidas polo seu trabalho no sector juvenil e estudantil. Os factos ocorrêrom durante a concentraçom convocada por BRIGA em solidariedade com os detidos esta tarde às 20:30 na Corunha, à que assistírom à volta de 80 pessoas. Durante a mesma, berrárom-se consignas como "liberdade de expressom", "a polícia, tortura e assassina", "estado espanhol, estado repressor", etc. Ao remate da mesma, um dos três detidos, Diego Bernal, fixo umha intervençom pública, assinalando a má saúde dumha democracia que combatia contra a juventude, que se eregia em inimiga d@s trabalhadoras/es e das mulheres, que elege as detençons como único diálogo.

Pouco depois, estando boa parte das pessoas assistentes ao acto dispersadas, Berta Lôpes, que se achava em companhia dumha companheira preparando-se para voltar à sua morada, foi assaltada por agentes vestidos à paisana, que procedêrom a introduzi-la num carro e transladá-la à esquadra.

Tal e como analisava BRIGA ante as primeiras detençons, nom só nom havia que desbotar a possibilidade de novas detençons: Os factos falam por sim próprios. É evidente que estamos no momento do todo ou nada, no que o PSOE decidiu pôr toda a carne na grelha, aguardando silenciar a reacçom à sua política neo-fascista, declarando um estado de excepçom para a juventude da esquerda independentista. Esta prática política expressa sem ambagens a verdadeira natureza desta democracia espanhola, na que a oposiçom política é silenciada no fundo dos calabouços, sepultada em juiços, multas e prissons.

Remitimos a quem ainda duvide aos nossos posicionamentos anteriores, nom daremos um passo atrás.

STOP repressom contra a juventude!!!
Berta liberdade!!!