Somos mulheres nom princesas!!!
Especial Comissom Nacional da Mulher
As jovens organizadas em BRIGA queremos denunciar a campanha que a Conselharia de Igualdade e Participaçom Cidadá do Concelho da Corunha levou avante com o galho de umha data referencial para a luita feminista como é o 25 de Novembro, Dia Internacional contra a violência machista. Mais umha vez o Concelho da Corunha evidência o seu interesse por incentivar os mecanismos de opressom do sistema patriarcal, fazendo uso dos suportes publicitários para ridiculizar e infantilizar a violência machista com que a diário vivimos as mulheres mediante a legenda “Que nom che mintam, princesa”.
O concelho da cidade herculina pretende denunciar o terrorismo machista mais visível e que sofrem milheiros de mulheres a través da súa parelha, usando a violência machista mais subtil, e que nos assédia durante toda a nossa vida, a que nos adoutrina e nos reprime para querer ser a mulher arquetípica desses contos de fadas e de princesas. Que se algo tem de verdade, é que é um conto.
As jovens trabalhadoras galegas nom queremos ser essas princesas que supostamente rematam o conto. Queremos ser rebeldes, queremos ser luitadoras, queremos ser lésbicas, queremos destronar ao rei e ao príncipe e fazer a revoluçom galega... Nom queremos estar as 24 horas do dia preocupadas por encaixar nesse estereotipo de beleça que aparez no cartaz e que tam danino é para a nossa saúde física e psíquica, nom queremos ser sumissas ao que passa ao nosso arredor, doces e tenras… em definitiva, nom queremos ser princesas.
As constantes agressons padecidas polas mulheres som mui diversas, o sistema patriarco-burguês no que vivimos nom fai nada ao chou. Por isso esta campanha publicitária nom é mais que a demostraçom de como as instituiçons que o sustentam usurpam a luita das mulheres polos seus direitos e a transformam numha fórmula mais de esbanjar dinheiro público mentres se enchem a boca de progressistas à vez que nos desmobilizam.
Em Briga trabalhamos para por fim a todo o tipo de violência que sofrimos as jovens, por isto queremos deixar claro que SOMOS MULHERES NOM PRINCESAS!!!
