A Constituiçom espanhola é a nossa ruína. A juventude galega pola independência!!
Dezembro de 2010
Nos dias cercanos à comemoraçom do trigésimo segundo aniversário do fraudulento referendo das sagradas escrituras, a juventude organizada em BRIGA procedeu a sabotar em distintos concelhos do país várias placas e monumentos dedicadas à Constituiçom espanhola para mostrarmos o nosso rechaço ao texto que nos nega como naçom, permite a nossa exploraçom como classe e nos submete como mulheres.
Trinta e dous anos depois, a juventude trabalhadora e popular galega conhece de primeira mao as conseqüências que supom a existência de tam venerado texto. A Constituiçom, ao igual que o Estatuto de Autonomia que agora cumpre trinta anos, suponhia na altura mais umha peza a encaixar nesse infame mosaico da Transiçom espanhola, que nom pretendia outra cousa mais que buscar umha saída factível para um sistema fascista em descomposiçom cara a umha democracia parlamentar burguesa.
O 6 de Dezembro a juventude rebelde galega nom tem nada a festejar mas sim muito a denunciar polas suas actuais condiçons materiais de existência: elevadas taxas de desemprego, de eventualidade laboral, baixos salários, dificuldades para a emancipaçom do leito familiar, etc., factos que nos motivam a rejeitar com força umha Constituiçom digna do maior desprezo.
Nos próximos dias facilitaremos umha galeria gráfica da campanha.