Solidariedade com a juventude rebelde. Liberdade para Miguel!
Dezembro de 2010
BRIGA quer manifestar o seu apoio ao jovem trabalhador detido na tarde do passado 15 de Dezembro sob a acusaçom de ser o autor da queima dum escritório de emprego da cidade de Vigo que aconteceu na noite anterior á detençom.
As forças de repressom, cans guardiáns da patronal, raivosos por nom dar apreixado no momento aos/às protagonistas da acçom, decidírom dirigir o seu ponto de mira para a juventude trabalhadora que se mostra conseqüente na luita contra esta ordem social que nos explora e nos oprime. Sem dúvida algumha, a queima do escritório é um simples argumento das forças repressivas para atacar a crescente combatividade e coerência de sectores do povo trabalhador galego mais consciente.
O desproporcionado operativo policial efectuado para deter ao jovem foi acompanhado da habitual campanha de criminalizaçom dos meios de comunicaçom burgueses que procuram por umha banda criar estados de opiniom contrários á dignidade obreira, e pola outra, forçar declaraçons de organizaçons sindicais e políticas para que condenem até a saciedade este tipo de acçons, e desta meneira conseguir integrá-los na lógica do sistema.
Reclamamos a imediata liberdade para Miguel, que nestes momentos se encontra na prisom da Lama, e rejeitamos absolutamente todo este tipo de montagens mediático-policiais que pretendem demonstrar mao dura com a juventude que decide nom resignar-se ante as precárias condiçons materiais de existência às que nos condena o Capital.
Miguel à rua!
Em pé @s escrav@s da terra!
Faixa solidária em Vigo
