BRIGA, organiza�om juvenil da esquerda independentista

Loja Virtual
Arquivo Gr�fico
correio-e:
Compartilhar
Actualizada em
14/01/14
novas

4 de Junho em Ponte Vedra, tod@s contra ENCE

imagem

Junho de 2005

O próximo Sábado 4 de Junho terá lugar em Ponte Vedra umha manifestaçom em contra da presença de ENCE na ria. Começará na praça da Ferraria, às 20:30 da tarde. O seu percurso, no que constam as ruas de mais tránsito da cidade, remata diante da sede de Caixa Galicia, o grupo bancário com mais interesses económicos na permanência da pasteira.

Numerosas organizaçons e colectivos sociais impulsionárom esta convocatória unitária, entre eles a esquerda independentista, quem nom faltará no dia no que se porá de manifesto a aplastante maioria social que exige o fechamento de ENCE, o grande apoio popular que vém demonstrando a reivindicaçom ecologista nos últimos anos.

BRIGA aproveitará a ocasiom para denunciar a culpabilidade directa de ENCE na destruiçom do ecossistema da ria, que na actualidade nom chega nem a um reflexo retorto do que era antes da instalaçom da factoria em anos cinqüenta. As altíssimas concentraçons de mercúrio (supera 50 vezes os níveis doutras rias), o demencial volume de vertidos (o equivalente a toda a área de Vigo, quase o 20% dos efluentes totais de toda a populaçom galega da costa), tenhem transformado o que era um área de grande riqueza ecológica num cemitério biológico.

A juventude da esquerda independentista nom se deixa enganar polas mentiras do sindicalismo espanholista de UGT e CCOO, conhecidos pola sua obediência à patronal e ao capitalismo espanhol, nem polo funambulismo político do PSOE, sempre disposto a somar-se a qualquer reivindicaçom popular para ganhar votos. A argumentaçom demagógica sobre a pretendida criaçom de postos de trabalho é umha falácia interessada, difundida desde o conselho de administraçom de ENCE e os dirigentes de Caixa Galicia: @s jovens galeg@s sabemos quem é o verdadeiro culpável da falta de postos de trabalho: O capitalismo espanhol e os seus embaixadores políticos.

Agora, este sábado, e até que seja necessário, a organizaçom exige o fechamento de ENCE.

ENCE fora de Louriçám!!!
Nom à destruiçom ecológica das nossas rias!!!
Capitalismo espanhol culpável!!!