12 de Fevereiro: IV Congresso Nacional

Fevereiro 2011

Após dous anos da última cita congressual, a militáncia toda de BRIGA tivo de desta volta em Vigo umha nova ocasiom para readequar a nossa Tese Política e Organizativa, de acordo aos acontecimentos em curso e às necessidades orgánicas. A legenda foi "Organizando a juventude rebelde galega contra Espanha, o Capital e o Patriarcado".

O Centro Social Lume!, referência da esquerda independentista na localidade, foi a sede em que decorreu a quarta cita congressual, máximo órgao de decissom democrática da nossa organizaçom juvenil. Agradecemos antes de mais aos companheiros e às companheiras encarregadas da gestom do local o seu esforço.

Conteúdo da jornada

Os horários fôrom cumpridos começando por volta das 12 da manhá o recebimento a cargo dumha companheira do Grupo de Base organizador, que predispujo variado material e cenografia referente à cita para ambientar a sala. Nela, a maioria da militáncia e algumhas pessoas convidadas escuitárom, falárom, votárom e aprovárom a linha política recolhida nas Teses e as que se considerárom oportunas modificaçons estatutárias para o contexto.

No caso das Teses, em linha com o oportuno posicionamento e análise política já efectuados no III CN de 2009 quando a crise começava a escintilar, continuamos este ano elaborando teoria revolucionária sem dependência do poder adulto respeito da realidade da juventude obreira galega, os seus reptos e o compromisso da organizaçom marxista da juventude galega com um catálogo de propostas, medidas e conscientizaçom para a praxe revolucionária contra a reacçom espanhola, burguesa e machista.

Por sua vez, os Estatutos sofrêrom pequenas modificaçons atingentes ao funcionamento da Mesa Nacional, máximo órgao entre Congressos, e ao reconhecimento estatutário de "A pé de rua" como novo e mais um órgao de expressom, de formato cartaz, junto com os já existentes, web e XERFAS.

Imagens. Saudaçons. Resoluçons. Mesa Nacional.

Juntamos com esta nova umha pequena recompilaçom de imagens do decurso da jornada, que rematou com a juntança das mulheres assistentes para elegerem a Responsável Nacional da Mulher, antes de abrir o espaço para a intervençom de organizaçons convidadas e a saudaçom das que nom pudêrom assistir. Como é regra nestes eventos, lemos as resoluçons aprovadas, cinco no total, que reproduziremos no web proximamente. E, aliás, proclamamos eleita a nova Mesa Nacional, com as suas responsabilidades sectoriais e locais.

Agradecemos também a resposta presencial ou por correio que nos figérom chegar as entidades convidadas, entre as quais as internacionais Yesca, Regüelta, Jaleo e Cajei e Maulets, e as nacionais Amig@s da Cultura (Ponte-Vedra), AMC (Condado), AGARB, Siareir@s Galeg@s AGIR, Nós-UP, Primeira Linha, e os Centros Sociais Henriqueta Outeiro (Compostela), Gomes Gaioso (Corunha), Lume! (Vigo) e a Fundaçom Artábria de Ferrol.

Desde 2004 e cumprindo a normativa estatutária de dar-nos voz e compartir cada dous anos umha assembleia de máxima soberania organizativa, renovamos o nosso compromisso com a luita pola independência, o socialismo e o antipatriarcado desde e para a juventude obreira galega, à qual continuaremos aportando as nossas forças os vindouros dous anos, e da qual esperamos tirar o sangue novo da rebeliom juvenil, única ferramenta para consolidar e afortalar a organizaçom juvenil revolucionária da esquerda independentista galega.

Viva BRIGA!

Momento da sessom da manhá