Detidos há 16 meses; absolvidos agora

Fevereiro 2011

Um ano e quatro meses depois da detençom ilegal durante 12 horas de dous militantes da nossa organizaçom acusados de realizar pintadas contra o capitalismo em diversas entidades bancárias, hoje soubemos que fôrom absolvidos após apresentar um recurso de apelaçom contra a sentença do juiz Ventura Pérez Mariño, conhecido pola sua obsessom persecutória contra a esquerda independentista, que pedia 6 dias de arresto domiciliário e 1000 em conceito de gastos de limpeza aos bancos, ditando in voce a condena durante a celebraçom do julgamento em Junho do ano passado.

Desta volta, a nom comparecência dos próprios polícias, que sabiam da ilegalidade da detençom, e as ambíguas respostas dos representantes dos bancos deixárom em evidência o que foi umha montagem para escarmentar a juventude mais rebelde e consciente.

De BRIGA parabenizamos os nossos companheiros, e condenamos, mais umha vez, a perseguiçom política que as classes dominantes mediante os aparelhos do seu estado realizam aos jovens que luitam pola indepêndencia da Galiza e polo socialismo antipatriarcal.