Marchas de 10-M mantenhem o ritmo doutros anos

Março 2011

Só as cidades de Vigo e Ferrol acolhêrom mobilizaçons polo Dia da Classe Obreira Galega em 10 de Março. As centrais sindicais nacionais que chamárom aos actos nom conseguem descolar do estado de calma e paz social que o sindicalismo amarelo espanhol tem favorecido a gerar com o seu entreguismo.

Após duas greves gerais e a pouco mais dum mês do 1º de Maio, a juventude obreira permanece desmobilizada polos agentes mediáticos, sociais e simbólicos do regimem espanhol. A falta de alternativas e referentes de combatividade, as ruas galegas mantivérom este 10 de Março o nível de assistência habitual às convocatórias sindicais, deslocando a nível nacional a Ferrol e Vigo boa parte dos recursos militantes do País no caso da CIG.

BRIGA editou com o galho desta data o terceiro exemplar de A Pé de Rua e participou nas convocatórias citadas, assim como também o figemos na concentraçom que a CUT fijo em Vigo marcada polas detençons os dias prévios.

Malia a situaçom contraditória e as dificuldades de arrincar para o movimento obreiro galego, o nosso motor permanecerá a muitas revoluçons para oferecer a alternativa rupturista com Espanha, o Patriarcado e o Capital que a juventude obreira galega necessita, em época de crise mais do que nunca.

Marcha em Ferrol. PixelinPhoto