BRIGA, organiza�om juvenil da esquerda independentista

Loja Virtual
Arquivo Gr�fico
correio-e:
Compartilhar
Actualizada em
14/01/14
novas

Portugal: milhares de jovens tomárom as ruas

imagem

Março 2011

Multitudionárias mobilizaçons integradas mui maioritariamente por jovens de até 35 anos teriam percorrido as ruas de várias cidades portuguesas, nomeadamente de Lisboa e Porto, numha demonstraçom de indignaçom espontánea coordenada através das novas tecnologias e catapultada polas últimas medidas do executivo português em ajustamento de contas para quadrar o défice público segundo as directrizes de Bruxelas.

As manifestaçons, que teriam sido convocadas principalmente polas redes sociais em auge desde há uns poucos anos à volta da palavra de ordem "Geraçom à Rasca", permaneceriam por enquanto alheias a qualquer tipo de organizaçom ou entidade política, reafirmando-se de jeito simbólico embora sem direcçom definida.

Porém, na mente da muit@s parecia estar a vontade dumha jeira de protestos que por razons múltiplas vem-se tornando urgente para amplas camadas da juventude de extracçom popular, o que vira ainda mais necessária a autoorganizaçom e a orientaçom socialistas da juventude trabalhadora.

BRIGA parabeniza-se deste gesto de desafio à condena à calma que pesa como umha lousa sobre a consciência de milhares de jovens que às duas beiras do Minho permanecem ou permaneciam isolad@s na sua miserenta rotina diária sem perspectivas de futuro e a cada dia mais afogad@s e atemorizad@s pola incapacidade de enfrentarmo-lo por separado.

Na mobilizaçom, na organizaçom e na luita está o caminho. Bem-vindos sejam os primeiros passos para tomar a palavra.

Imagem de Porto

Imagem de Porto