Jovem e Rebelde

BRIGA pom andamento umha campanha nacional que sob a legenda Jovem e Rebelde ocupará a organizaçom durante os próximos meses. A campanha está desenhada para desenvolver em várias etapas e tem como principal objectivo dar a conhecer o projecto juvenil que representamos para lograr assim umha expansom organizativa, alargando e afortalando os Grupos de Base já existente e criando novos núcleos em comarcas sem presença organizativa.

No marco das linhas de trabalho marcadas no Congresso Nacional Constituinte da organizaçom, apesar de tratar-se dumha campanha de expansom organizativa a sua temática centrará-se exclusivamente em problemas concretos que @s jovens sofremos na Galiza do século XXI, tais como a vivenda, trabalho, sexualidade ou lazer, tratados desde umha óptica revolucionária.

BRIGA lança esta campanha num momento em que além dumha cada vez maior precarizaçom das suas condiçons de vida, a juventude se vê submetida a umha intensa campanha de criminalizaçom que tem como objectivo generalizar a repressom contra a mocidade principalmente nas escolas e lugares de lazer. É por isto que a campanha nacional tratará numha primeira fase de desmontar os principais argumentos desta ofensiva, respostando as principais medidas dos distintos planos repressivos que se desenham desde cámaras municipais, instituiçons autonómicas e o próprio Governo espanhol.