Brutalidade policial contra as reivindicaçons laborais. Readmissom d@s despedid@s já!
Durante a manhá do passado dia 15, efectivos antidistúrbios da polícia espanhola carregárom com grande violência contra a concentraçom que @s trabalhadores/as da teleoperadora Atento, filial de Telefónica, organizárom na cêntrica rua Juan Flórez da Corunha, cujo tránsito foi curtado. A protesta operária devia-se ao despido improcedente de 179 empregad@s, que a empresa realizou directamente saltando-se todos os acordos do convénio.[...+]
Convocadas mobilizaçons anti-imperialistas
Respondendo a convocatória realizada no marco do Foro Social Mundial e no aniversário da intervençom imperialista contra o Iraque há programadas duas mobilizaçons de carácter local na Corunha e Ponte Vedra. Na Corunha é a Coordenadora Internacionalista a que convoca umha concentraçom com a legenda "Pola retirada das tropas do Iraque, Afeganistám e Líbano". A mobilizaçom promovida por esta plataforma na que está integrada BRIGA será a quinta-feira 15 de Março às 20h30 no Obelisco.[...+]
Activa participaçom da juventude independentista no 10 de Março
O Sábado 10 de Março, no Dia da Classe Trabalhadora Galega, mais de médio milhar de pessoas participarom em Ferrol na oferta floral no Monumento adicado a Amador e Daniel e na posterior manifestaçom da CIG que sob a legenda Contra os pactos da moderaçom salarial. Salários dignos percorreu as ruas da cidade. Após a manifestaçom a CIG organizou no Cantom um jantar popular e um concerto no que ao longo da tarde e noite actuarom A Quenlha, Os Três Trebons e o Vendaval do Rosal e por último Dandy Fever.[...+]
Sabotagens no Dia da Mulher Trabalhadora
Coincidindo com o 8 de Março, Dia da Mulher Trabalhadora, os estabelecimentos de várias empresas conhecidas polas terríveis condiçons laborais impostas as suas trabalhadoras, na maior jovens que acedem pola primeira vez o mal chamado mercado de trabalho, forom assinaladas com lançamento de pintura lilás e pintadas de denúncia. Numha jornada na que as instituiçons autonómicas e estatais, meios de comunicaçom, ou empresas lançam diversas iniciativas com as que tratam de ocultar a promoçom e o aproveitamento que tiram do patriarcado; e na que o feminismo organizado, salvo honrosas excepçons, exprime o vergonhento processo de assimilaçom por parte das instituiçons no que se atopa é mais necessário que nunca que as jovens ergamos bem alto a bandeira lilás do combate feminista.[...+]
Contra a precariedade laboral e a impunidade da patronal. Amador e Daniel, a luita continua
Som muitos os motivos que tem a juventude trabalhadora galega para sair à rua. Os contratos-lixo, a precariedade laboral, a falta de segurança, os salários de miséria, as contínuas mortes nos nossos postos de trabalho, o machismo contra o que as trabalhadoras temos de luitar diariamente... e umha longa lista de razons mais. O capitalismo na actual fase neoliberal rouba aos jovens o seu tempo de lazer, a sua alegria, a sua vitalidade e apenas lhes dá em troca da sua força de trabalho apuros a final de mês, infra-vivendas para ratos, depressons e doenças mentais...[...+]
BRIGA adire aos actos do Dia da Classe Obreira Galega
A juventude da esquerda independentista galega sairá mais um ano às ruas de Ferrol para defender os direitos da classe trabalhadora galega. BRIGA apoia a manifestaçom convocada pola CIG sob a legenda "Contra os pactos da moderaçom salarial. Salários dignos", assim como os actos festivos que terám lugar na capital trasanquesa e encoraja a mocidade a se somar em massa a esta convocatória. A manifestaçom partirá desde o Monumento ao 10 de Março em Ferrol às 12h30 e percorrerá as principais ruas da cidade obreira. Após a marcha haverá um jantar popular de confraternidade no Cantom, no centro de Ferrol, e a seguir a projecçom do documentário "Metal e Luita", sobre a greve do metal do Sul da Galiza, e um concerto onde será possível desfrutar da música da Quenlha, Os Três Trebons e Dandy Fever.[...+]
Terrorismo machista continua: nova jovem assassinada
A jovem de 25 anos de idade morreu a maus do seu companheiro, de 23 anos, com o que compartilhava andar desde havia três anos em Porrinho. Estudos realizados nos últimos meses desmintem que as agressons e assassinatos de mulheres a maos dos seus companheiros e maridos sejam comportamentos ressiduais de casais velhos, mais ao contrário, os terroristas machistas rondam de média os 35-40 anos.[...+]
I Jornada de debate Feminista em Compostela
A próxima quinta-feira dia 1 de Março terá lugar em Compostela a I Jornada de debate feminista organizada por BRIGA que consistirá num mesa-redonda sob o título “Objectivos, acçons e reivindicaçons do feminismo galego”. Na mesa-redonda, que está programada para a quinta-feira às 19h30 na Galeria de Sargadelos em Compostela, participarám Paula Rios de Mulheres Nacionalistas Galegas (MNG), Íria Medranho, membro da Assembleia de Mulheres do Condado (AMC), e Teresa Moure, escritora e professora na USC.[...+]
Situaçom e perspectivas da juventude galega a debate
Fevereiro de 2007 A próxima terça-feira 27 de Fevereiro o CS Henriqueta Outeiro organiza umha mesa-redonda sob o título "Situaçom e perspectivas da juventude galega". No debate, além de Sérgio Pinheiro em representaçom de BRIGA, participarám Roi Ribeiro de Galiza Nova, Xam Lamelas das Juventudes Comunistas e um representante de AMI. O Centro Social compostelano anuncia que o debate se emarca numha iniciativa para a organizaçom de actos mensais que abordem diversos temas sempre desde umha óptica plural, precisamente como ocorre neste adicado à juventude.[...+]
Solidariedade com a juventude revolucionária basca
A passada fim de semana pendurarom-se e colarom-se diversas faixas denunciando a sentença do Tribunal Supremo espanhol que calificava de terroristas às organizaçons juvenís da esquerda abertzale basca. BRIGA vem de aderir ao manifesto de solidariedade com a juventude basca que foi colgado na rede pouco tempod epois de conhecer-se a sentença do Tribunal Supromo espanhol contra Jarrai, Haika e Segi. [...+]