Leis repressivas e controlo policial, eis a política do Concelho de Compostela para a juventude
O Concelho de Compostela, governado polo autoproclamado "governo de progresso" de PSOE e BNG, vem de dar umha amostra mais do seu nulo respeito polas liberdades, endurecendo mais se calhar o regime repressivo a que a capital da Galiza se vê submetido desde há anos. E é que o o governo municipal, após ter sido um dos mais entusiástico aderentes da campanha de intoxicaçom e criminalizaçom contra @s jovens iniciada há meses nos meios de (des)informaçom, é um dos primeiros concelhos galegos em aprovar umha ordenança que tem como único objectivo proibir o botelhom, endurecendo as penas contra a sua prática e declarando umha espécie de estado policial nas ruas e praças da cidade.[...+]
O Dia Da Raça, o Estado espanhol celebra séculos de imperialismo
Achega-se o 12 de Outubro e a maquinária mediático-festiva do Estado se prepara para o bombardeamento de chauvinismo espanholizante deste ano, no que Espanha volta a celebrar o seu dia grande. Sem entrarmos a analisar o preocupante orgulho patriótico dum estado que tem sido um dos impérios mais sanguinários da história, neste seu dia da Raça, da Hispanidade, o conjunto do Povo Trabalhador Galego tem muito a dizer. [...+]
BRIGA celebra concerto pola Independência na Corunha
Mais umha vez a música serve-nos de meio de reivindicaçom e assim, nesta sexta feira acompanhad@s por Os três trebons (e o vendaval do Rosal) e Esterco, berraremos na Corunha que @s jovens galeg@s luitamos pola independência. [...+]
Jovens despedid@s por protestar contra condiçons laborais na Adega Condes de Albarei
Jovens trabalhadoras e trabalhadores da Adega Condes de Albarei, umha das produtoras vitícolas mais importantes da comarca do Salnês, protagonizárom um conflito laboral que deita por terra os piores tópicos sobre a mocidade. @s cinqüenta moços e moças que lá estavam trabalhando durante a vendima, organizárom-se para protestar e tratar de lograr umha melhora das condiçons laborais que esta empresa oferece, e que som habituais neste tipo de contrataçons temporais, tais como o nulo cumprimento das medidas de segurança precisas, [...+]
BRIGA participará no Dia da Galiza Combatente
Respostando afirmativamente ao convite realizado por NÓS-Unidade Popular, BRIGA participará nos actos programados pola organizaçom política com o galho do VI Dia da Galiza Combatente que nesta ocassom decorrerá o 7 de Outubro no Alto do Furriolo, em Celanova. Concretamente interviremos no acto político convocado sob a legenda “Homenagem à vítimas do Holocausto Galego. 1936-2006 A luita continua” e no que participarám representanes doutros colectivos sociais implicados na recuperaçom da memória histórica da Galiza.[...+]
Imagens do acto contra os responsáveis da vaga incendiária
A seguir editamos as imagens do acto de Agosto deste ano, no que BRIGA quijo denunciar aos verdadeiros responsáveis dos incêndios, desde os directamente beneficiados (construtoras, madeireiras e demais especuladores) até quem por activa ou por passiva permitiu que a Galiza ardesse polos seus quatro costados durante este verao, atingindo umha das maiores catástrofes ecológicas da nossa história.[...+]
Siareir@s Galeg@s organiza I Encontro nacional
Siareir@s Galeg@s vem de anunciar a organizaçom do seu I Encontro nacional que decorrerá o próximo Sábado 9 de Setembro em Ponte Vedra. O colectivo, que mantém umha intensa actividade desde a sua re-constituiçom fai agora quase um ano, fai um alto no acompanhamento pontoal das estreias das selecçons galegas para organizar umha jornada no que combinar a reflexom, o convívio e a festa.[...+]
Nova mobilizaçom na Corunha contra o terrorismo nazi-sionista
Após o sucesso da Jornada Nacional de solidariedade do 4 de Agosto e as mobilizaçons da semana seguinte organizadas em diferentes cidades e vilas galegas, a Plataforma Galega contra a agressom sionista ao Líbano e Palestina convoca umha nova manifestaçom na Corunha a próxima sexta-feira dia 1 de Setembro.[...+]
De incendiários, socialistas e nacionalistas
Se umha liçom nos ensinou história é a diferença entre presumir de ser e o facto de sê-lo. A nossa sabedoria popular poetiza esta reflexom afirmando que umha cousa som alhos e outra bugalhos. Hoje o governinho autónomo galego gaba-se de ser o governo da mudança, do progresso, um governo gerido por nacionalistas de esquerda e socialistas. No entanto, é o mesmo governo que mantém umhas nefastas condiçons laborais a aquelas/es aos que umha força de esquerdas diz representar, os trabalhadores e trabalhadoras.[...+]
BRIGA participou activamente na manifestaçom contra os lumes
BRIGA participou na manifestaçom convocada o passado domingo 20 de Agosto em Compostela por Nunca Mais, dentro dum cortejo encabeçado pola Plataforma contra os incêndios florestais, da que BRIGA forma parte junto a outras organizaçons políticas e sociais, sob a a palavra de ordem Esta barbárie também tem responsáveis políticos. Tal como estava anunciado a Plataforma chamava a conformar um bloco crítico com a orientaçom que o autonomismo e a social-democracia espanhola pretendeu dar a esta mobilizaçom, utilizando-a para lavar a face ao bipartido PSOE-BNG e evitar a esigência de responsabilidades à Junta pola sua gestom durante a crise nacional provocada pola vaga de incêndios que a Galiza sofreu nas últimas semanas. [...+]