27 de Dezembro: Somos umha naçom. Oficialidade
Chegou o 27 de Dezembro e a culminaçom a umhas intensas semanas de trabalho de Siareir@s Galeg@s que levou a dezenas de vilas e cidades galegas a reivindicaçom da oficialidade para as nossas selecçons. Como em passados anos em Compostela e na Corunha, Siareir@s Galeg@s convoca umha mobilizaçom nacional sob a legenda “Somos umha naçom. Oficialidade” que partirá às 20h15 da Praça das Travessas.[...+]
Galiza naçom. @s jovens galeg@s pola oficialidade
Mais um ano o jogo da selecçom galega de futebol, desta vez da selecçom masculina e da feminina, servirá de marco para exprimir o enorme apoio popular às reivindicaçons nacionais no terreno desportivo e ao colectivo que acumula mais de dez anos de luita na sua defesa, Siareir@s Galeg@s.[...+]
IV Foro de Rebeliom decorreu a passada sexta-feira em Ponte Vedra
O passado dia 21 tivo lugar no CS A Revira o IV Foro de Rebeliom, que sob o título A luita antimilitarista da juventude galega convidou ao Suso Domínguez, ex-coordenador geral da ANÁ-ANOC, e ao Alexandre Rios, militante de BRIGA repressaliado pola sua presunta participaçom no acto de boicote ao posto da BRILAT organizado em Junho de 2006.[...+]
BRIGA organiza em Compostela curso de auto-defesa para mulheres
As duas agressons sexuais ocorridas em Compostela no mês passado e a evidente passividade policial na sua resoluçom, mais se o comparamos com o celo com que Polícia Local e espanhola perseguem a liberdade de expressom, o Grupo de Base de BRIGA em Compostela organizará um curso de auto-defesa para mulheres. As jovens de BRIGA chamamos ao conjunto da juventude galega e em concreto às moças a organizar-se e defender-se. [...+]
BRIGA participa na celebraçom do aniversário da Revoluçom cubana
BRIGA participou o passado Sábado 22 de Dezembro na homenagem organizado pola Associaçom Galego-Cubana Francisco Vilhamil em Compostela. O acto internacionalista, que decorreu poucos dias antes de cumplir-se 49 anos desde o triunfo da Revoluçom, diferentes organizaçons e colectivos realizarom umha saudaçom ao processo revolucionário cubano para rematar com umha intervençom do companheiro Alejandro Fuentes, Cónsul de Cuba na Galiza.[...+]
Terrorismo machista continua em Compostela. Duas agressons sexuais em menos dumha semana
Na noite do 16 de Novembro umha mulher era vítima dumha nova agressom sexual na nossa comarca. Menos de 24 horas depois, outra mulher de aproximadamente 30 anos era violada na rua Oliveiras, no casco velho da cidade por um homem nom identificado. Depois desta segunda agressom, os médios nom tivérom mais remédio que fazer-se eco do acontecido, informando dos dous ataques, mas apressurando-se também a louvar o alto grau de segurança atingido na cidade e o baixo número de violaçons que tenhem lugar na mesma, todo elo a agradecer ao labor exercido polos efectivos policiais.[...+]
Antimilitarismo a debate em Ponte Vedra
O Grupo de Base de BRIGA em Ponte Vedra organiza a sexta-feira 21 de Dezembro umha nova ediçom do Foro da Rebeliom, o quarto, adicado desta volta ao antimilitarismo, e no que participarám Suso Dominguez, insubmisso e ex-coordenador da organizaçom do antimilitarismo galego ANÁ-ANOC, e Xane Rios, militante de BRIGA. Sob o título “A luita antimilitarista da juventude galega” o acto, que terá lugar no CS A Revira a partir das 20h30, está emarcado na campanha que BRIGA desenvolve com motivo do julgamento contra três jovens por ter participado num acto contra o labor proselitista da BRILAT. [...+]
Constitue-se a Brigada Galega Fuco Gomes
A Brigada que leva o nome do histórico independentista galego tem o intuito de realizar a sua primeira paragem em Cuba. A viagem realizará-se o vindouro ano e até entom @s brigadistas realizarám diferentes actividades para darem a conhecer a iniciativa entre a juventude galega. Por enquanto, @s jovens pugérom em andamento um blogue através do qual se informará de todo o trabalho que será desenvolvido ao longo destes meses e onde também qualquer pessoa interessada poderá inscrever-se.[...+]
Terceiro Ponte à Rebeliom já na rua
O Grupo de Base de BRIGA em Ponte Vedra vem de editar o terceiro do seu vozeiro comarcal, Ponte à Rebeliom. Desta volta, nas secçons habituais deste vozeiro, @s companheir@s de Ponte Vedra analisam a falsa saída laboral que representa para @s jovens os corpos repressivos, bem da Polícia e Guardia Civil ou do exército espanhol, que golpeia com especial dureza nas comarcas com maiores índices de desemprego entre a mocidade.[...+]
Denunciam utilizaçom de ordenança anti-botelhom para “limpar” de jovens Compostela
A Plataforma contra a criminalizaçom da juventude vem de denunciar que a chamada Ordenança anti-botelhom está a ser utilizada pola Polícia Local para desalojar à mocidade de zonas concretas da cidade, principalmente de praças e ruas do Casco Velho. A Plataforma contra a criminalizaçom fora criada há agora algo mais de um ano para enfrentar umha Ordenança municipal, finalemente aprovada, que sob a escusa de luitar contra o botelhom e os prejuícios que causava à vizinhança, restringia mais se cabe os direitos da mocidade na cidade, outorgando às polícias local e espanhola a coartada para evitar qualquer reuniom de jovens pola noite.[...+]