Ampla participaçom nas mobilizaçons em defesa do território
BRIGA participou nas mobilizaçons em defesa do território e do meio-ambiente convocadas o passado fim de semana em Ponte Vedra e Compostela. A primeira das mobilizaçons foi a tradicional marcha anual convocada pola Plataforma em Defesa da Ria de Ponte Vedra que percorreu o trajecto entre a Alameda de Ponte Vedra e o complexo de ENCE o Sábado 5 de Maio. BRIGA participou nesta marcha com faixa própria, denunciando a responsabilidade directa da fábrica de celulose de ENCE Elnosa na destruiçom do ecossistema da Ria, e exigir o encerramento da mesma.[...+]
Um olhar à Revoluçom Cubana
O Grupo de Base de BRIGA na Corunha organiza a próxima segunda-feira 7 de Maio umha palestra intitulada “Um olhar à Revoluçom Cubana” na que participarám Moncho Leal, activista da Associaçom de Amizade Galego Cubana Francisco Vilhamil, e Alejandro Fuentes, Cónsul de Cuba na Galiza. O acto, que terá lugar na Associaçom Cultural Alexandre Bóveda da Corunha apartir das 20h30, servirá para achegar umha outra vissom sobre a ilha e a Revoluçom Cubana, antogónica com as contínuas intoxicaçons que lançam os médios de (des)informaçom ao serviço do imperialismo.[...+]
Mesa-redonda sobre Estatuto e juventude em Ponte Vedra
A próxima sexta-feira 11 de Maio A Revira organiza e acolhe umha mesa-redonda com representantes das organizaçons juvenís Isca!, AMI e BRIGA sob o título "A juventude galega e a reforma do estatuto". O Centro Social A Revira propom um interesante debate que de seguro servirá para achegar novas reflexons sobre a reforma dos Estatutos em chave juvenil, umha óptica invisibilizada nos grandes meios de comunicaçom.[...+]
BRIGA participará nas mobilizaçons contra a devastaçom do nosso território
Os próximos dias 5 e 6 de Maio as pessoas e organizaçons comprometidas com a defesa do meio natural tenhem duas citas ineludíveis em Ponte Vedra e em Compostela. O Sábado 6 de Maio Ponte Vedra acolherá um ano mais umha grande mobilizaçom para esigir o encerramento inadiável da fábrica de celulose de ENCE Elnosa. Numerosas organizaçons e colectivos sociais, entre eles a esquerda independentista, participam nesta convocatória que parte às 19h00 da Alameda e marchará polas ruas da cidade para por de manifesto a aplastante maioria social que exige o desmantelamento de ENCE, principal responsável da destruiçom do ecossistema da Ria.[...+]
Activa participaçom de BRIGA no 1º de Maio
Como vem sendo habitual nos últimos anos nas datas referencias para a luita obreira, BRIGA interviu activamente no 1º de Maio, Dia do Internacioalismo Proletário. Nos dias prévios ao 1º de Maio desenvolveu-se nas comarcas nas que contamos com presença umha pequena campanha agitativa com um cartaz, colante e multidom de pintadas que remarcavam o conteúdo reivindicativo e combativo da jornada.[...+]
1º de Maio. Contra as agresson da patronal, organiza-te e luita
A juventude trabalhadora tem motivos suficientes para sair à rua este 1º de Maio. É que nós a juventude trabalhadora, somos a principal vítima das permanentes agressons da patronal contra a classe operária. Somos a carne de canhom de um sistema que nos coloca à cabeça de todas as listas negras da exploraçom laboral. Enquanto que a patronal multiplica os seus benefícios multimilionários, a sinistralidade, a precariedade, os salários de miséria ou o desemprego cebam-se numha juventude que hoje mais do que nunca carece de expectativas reais de futuro.[...+]
Sons Jovens em Compostela´07 em marcha
O Grupo de Base de BRIGA em Compostela comezou com os preparativos da segunda ediçom do Sons Jovens em Compostela que igual que o passado ano decorrerá no mês de Maio, coincidindo com a Festas da cidade. Após o sucesso do Sons Jovens´06 o objectivo desta nova ediçom é duplo. Por um lado tratá-se de denunciar o programa das Festas desenhado polo Concelho, governado polo PSOE e BNG, que ano trás ano insistem em esbanjar os cartos de tod@s em contratar e as “estrelas” televissivas do momento. Polo outro o Sons Jovens tem o objectivo de promocionar a música feita polos jovens da comarca, @s mesm@s que o Concelho discrimina em favor da música enlatada.[...+]
BRIGA participa nos actos convocados por YESCA no Dia Nacional de Castela
Umha representante de BRIGA participou o passado fim de semana nos actos convocados por YESCA coincidindo com o Dia Nacional de Castela. A organizaçom juvenil castelhanista preparou um fim de semana cheo de actividades que precederom a homenagem popular que cada ano realiza o movimento popular castelám em Vilhalar o 23 de Abril, Dia da Pátria, à rebeliom comunera.[...+]
Colectivo Painkiller organiza festa Metal na Rua em Ponte Vedra
Após dous anos da criaçom do Colectivo Painkiller, associaçom de jovens para a difussom da música metal, tivo lugar o acto que animou em grande parte à constituiçom do colectivo, a festa Metal na Rua que afinal pudo levar-se a cabo trás anos de silêncio e denegaçons municipais da permissom para empregar o espaço público[...+]
Reflexons sobre alternativas de ócio juvenil em Ponte Vedra no III Foro de Rebeliom
A sexta-feira passada tivo lugar no Centro Social Revira a palestra já anunciada anteriormente neste web, na que se abordou com diferentes pontos de vista o panorama do lazer em Ponte Vedra e o estado do tecido associativo nesta cidade. Após umha breve introduçom, iniciou a mesa-redonda Alberto Angulo, membro do Colectivo Painkiller, associaçom de jovens comprometid@s com a difusom da música (em concreto o metal em sentido amplo) a través da organizaçom de eventos musicais de diverso tipo, tais como concertos de bandas nóveis, disco-móveis de metal na rua, jornadas de jogos (trivial-rock), festas em locais, etc.[...+]