Guardia Civil persegue realizaçom de murais na Marinha e na Terra de Návia-Eu
A campanha nacional “366 dias de dissidência. 366 murais de subversom” continua a um bom ritmo e acompanhada, tal como pronosticamos quando a iniciamos o 12 de Agosto do passado ano, de um intenso acosso policial. O último episódio desta perseguiçom ao exercício da liberdade de expressom, vivímo-la nos Concelhos de Ribadeu e Veigadeu o passado Domingo 4 de Maio, quando um grupo de militantes de BRIGA foi o alvo do importante despregamento de efectivos da Guardia Civil com motivo do funeral, no dia seguinte, do ex-presidente espanhol Calvo Sotelo.[...+]
Três jovens antimilitaristas som julgados em Ponte Vedra
Durante a manhá da segunda-feira 5 de Maio, os três jovens acusados de participar num acto antimilitarista em Junho de 2006 fôrom julgados. Após mais de hora e média de espera, o juizo começou com as testemunhas da acusaçom, é dizer, os dous militares à paisana que provocárom com a sua atitude violenta o altercado durante o percurso da concentraçom, e o mando encarregado da “segurança” na área. Este último começou a sua intervençom reconhecendo directamente que a finalidade do posto era a captaçom (sic). Os outros dous militares puidêrom deturpar o ali acontecido durante todo o tempo que quigérom, acusando aos/às próprios agredid@s de ter começado o tumulto, mentindo descaradamente sobre as consignas coreadas.[...+]
BRIGA participou activamente nas mobilizaçons do 1º de Maio
BRIGA, sob a palavara de ordem “1º de Maio. O tempo de luitar é agora”, volveu mobilizar-se nesta data referencial para a classe trabalhadora. E é que a juventude trabalhadora tem motivos suficientes para sair à rua no 1º de Maio. Mais motivos que nunca, para recuperar umha data na que comemoramos séculos de luita organizada da classe obreira. BRIGA volveu a estar presente nas mobilizaçons da CIG, nas que os distintos Grupos de Base participarom com faixa própria, como foi o caso de Ponte Vedra, Compostela e Ferrol, ou no cortejo de NÓS-Unidade Popular na Corunha.[...+]
BRIGA organiza concerto em Ferrol o 1º de Maio
O Grupo de Base de BRIGA em Trasancos organiza o próximo 1º de Maio, Dia do Internacionalismo Proletário, um concerto na Fundaçom Artábria que encerrará esta jornada de luita e reivindicaçom obreira. O concerto dará começo às 22h00 com ARENGA, banda de Pontedeume que já participara no concerto organizado por Siareir@s Galeg@s o passado 29 de Fevereiro. Depois desta jovem banda, será a turma do punk-ska Trapalhada, que aos poucos se está a confirmar como um dos melhores grupos da cena musical reivindicativa galega.[...+]
Adiado julgamento em Ferrol contra jovem independentista
O julgamento previsto para o passado 24 de Abril em Ferrol contra um dos jovens que participara na concentraçom contra a presença do autocarro de “Galicia Bilingüe” em Narom, foi finalmente adiado. Umha concentraçom acompanhou ao companheiro às portas dos julgados de Ferrol portando umha faixa com a legenda “Defender a língua nom é delito. Defendamos a liberdade de expressom”, e entidades como a Fundaçom Artábria ou a Assembleia Comarcal de NÓS-UP em Trasancos exprimirom a solidariedade com o jovem militante e denunciarom um processo que tenta punir a defesa da língua.[...+]
Carlos Cela, liberdade. Nova mobilizaçom na Corunha
Coincidindo com a comparecência no próximo dia 30 de Abril do Carlos Cela numha vista prévia ao seu julgamento, está convocada umha mobilizaçom no dia anterior, terça-feira 29 de Abril, às 20h30 na Praça das Conchinhas para esigir a sua imediata posta em liberdade. Carlos Cela, vizinho da Corunha e activista e colaborador em diversas iniciativas sociais e políticas da cidade, foi detido em plena campanha eleitoral e no marco dumha operaçom-farsa contra a entidade solidária Socorro Vermelho e que afectou a outros militantes comunistas.[...+]
BRIGA participará na mobilizaçom popular em Ponte Vedra contra a autorizaçom ambiental a ENCE
Mais de quarenta organizaçons e colectivos, entre eles BRIGA, NÓS-UP ou o CS A Revira, apoiam e chamarom a participar na tradicional mobilizaçom anual da Associaçom pola Defesa da Ria para esigir o encerramento de ENCE-ELNOSA, que percorrerá as principais ruas de Ponte Vedra a sexta-feira 25 de Abril. Nesta ocassom a manisfestaçom, convocada sob a legenda “Nom à autorizaçom ambiental a ENCE-ELNOSA. Impidamos a consolidaçom do complexo na Ria”, partirá às 20h30 da Praça das Ferrerias.[...+]
Jovem independentista será julgado em Ferrol por participar em protesto contra “Galicia Bilingüe”
O passado 29 de Fevereiro umha concentraçom espontánea recebeu em Narom o autocarro da organizaçom espanholista “Galicia Bilingüe”, fletado para recolher assinaturas contra a normalizaçom do galego e a imposiçom do espanhol na Galiza. gora, um d@s participantes na concentraçom de protesto pola presença desta organizaçom ultra na comarca de Trasancos, será julgado a próxima quinta-feira 24 de Abril em Ferrol, acussado dumha falta de “desobediência à autoridade”.[...+]
VII Jornadas Marxistas organizadas por AGIR
AGIR, organizaçom estudantil da esquerda independentista, organiza entre os dias 22, 23 e 24 de Abril a sétima ediçom das Jornadas Marxistas na que se abordará o actual processo de mercantilizaçom do ensino. [...+]
Exposiçom sobre a realidade sul-americana e o novo projecto de revoluçom bolivariana
Na passada segunda-feira BRIGA e AGIR organizárom conjuntamente na Agrupaçom Cultural Alexandre bóveda um encontro com o revolucionário dominicano Narciso Isa Conde. Esta palestra está emarcada na visita que o Narciso, junto com outr@s revolucionários sul-americanos fai à Galiza com o motivo das XII Jornadas Indepentistas Galegas de Primeira Linha.[...+]